Ta ăp ntŭk tât khâl, wa Hầu A Lềnh an gĭt Đảng, Ngih dak n’hanh Chính phủ lĕ ntơm rdâk hao ăp săk rnglăy n’glơi an bah srê Covid-19. Tâm nĕ geh nău rgop têh bah ƀon lan ăp rnoi mpôl đêt, geh nuĭh Khmer ta nkual ƀon têh Hồ Chí Minh. Bôl nu nău wăng sa hôm e âk jêr jŏt, yơn Kruanh N’gâng kan, Chủ nhiệm Ủy ban Dân tộc nsing nơm đah nău nsrôih, ndrel tâm rnglăp lam rnoi nuĭh, ƀon lan mbra ơm rdâk nkra ăp jêr jŏt gay geh nău rêh hơm răm lơn, uĕh lăng lơn tâm năm tât.

Kruanh N’gâng kan, Chủ nhiệm Ủy ban Dân tộc dăn đă ngih chùa ndrel n’gâng kan ƀon lan n’hanh nkual ƀon têh Hồ Chí Minh mât nău tâm rnglăp nuĭh, ăp nău ƀư uănh mĭn, ntop kơl ƀon lan rnoi đêt, phật tử, đăp mpăn nău rêh jêng. Di rơh aơ, Ủy ban dân tộc n’hanh UBND nkual ƀon têh Hồ Chí Minh lĕ an ndơ mbah rhơn năm mhe ta ăp chùa n’hanh 37 nuĭh dơi nsing nơm tâm ntŭk gŭ rêh nuĭh Khmer.