Kruanh n’gâng kan tơm prăk Hồ Đức Phớc lĕ geh rơh pah kan bar ding đah kruanh n’gâng kan tơm prăk Australia, Quốc vụ khanh mpeh tơm prăk bâh Nhật Bản n’hanh kruanh n’gâng kan tơm prăk Singapore, di rơh tât râng rơh rƀŭn nchră kruanh n’gâng kan tơm prăk APEC 2023 ta Hoa Kỳ.

Ta rơh vơt wa Jim Chalmers, kruanh n’gâng kan tơm prăk Australia, bar hê kruanh n’gâng kan lĕ tâm mbơh mpeh trong kan wăng sa Đông Nam Á tât năm 2040 bâh Australia, tâm kơl mpeh rgâl trôk nar mih sial n’hanh tơm prăk nâp nâl. Tĭng nău mbơh bâh kruanh n’gâng kan Hồ Đức Phớc, n’gâng kan tơm prăk Việt Nam ŭch Australia way geh uănh nău tâm boh kan ndrel tơm khlăy đah Việt Nam. Ta rơh vơt Quốc vụ khanh mpeh tơm prăk Nhật Bản Katsuo Yakura, kruanh n’gâng kan Hồ Đức Phớc lah tay na nê̆ nău tâm boh tâm kơl bar ding đah chính phủ Việt Nam n’hanh Chính phủ Nhật Bản nâp nâl n’hanh hun hao tĭng mông nar.