Ta nkuăl ƀon têh Kon Tum, mpôl pah kan bâh n’gâng kan Khoa học n’hanh công nghệ yor ủy viên Trung ương Đảng, kruanh n’gâng kan Huỳnh Thanh Đạt ƀư leo tơm lĕ geh rơh pah kan đah nuĭh leo kan n’gor Kon Tum n’hanh ăp ntŭk kan têh bâh ta ntŭk mpeh nău kan hun hao tơm sâm Ngọc Linh n’hanh ntil ndơ ngih dak sâm Việt Nam ma nău kan tơm khlăy lah sâm Ngọc Linh.

Lôch tă geh âk năm mât rnoh ntil tơm, tât aƀaơ n’gor Kon Tum geh lĕ rnoh neh rlău 1.260ha sâm Ngọc Linh đah lĕ rnoh geh bơi tât 213 tấn, nkô̆ mpong tât năm 2025 lĕ rnoh neh sâm Ngọc Linh bâh n’gor geh tât 4.500ha. Ntoh ngơi ta rơh pah kan, kruanh n’gâng kan khoa học n’hanh công nghệ Huỳnh Thành Đạt pă nău kan na nê̆ an ăp ntŭk kan têh bâh n’gâng kan n’hanh đă ăp ntŭk kan ngăch mĭn uănh mbơh ƀư tĭng. Kruanh n’gâng kan Huỳnh Thành Đạt lah na nê̆ aơ lah ăp trong kan dŭt khlăy n’hanh mpeh nău kan tơm gay ma hun hao nâp nâl ntil sâm Ngọc Linh.