VOV4.M’nông-Nar 26/4, mpôl pah kan bâh Ủy ban dân tộc yor kruanh n’gâng kan, kruanh Ủy ban dân tộc Hầu A lềnh leo hăn lĕ tât khâl, pah kan ta xã Ia Mơr, nkuăl Chư Prông, n’gor Gia Lai mpeh nău ƀư tĭng, mbơh tơih nău kan mpôl rnoi tâm ba năp nơh. Ia Mơr lah xã n’har bri bâh nkuăl Chư Prong.

Lam xã geh 5 thôn, ƀon, đah 10 mpôl rnoi ndrel gŭ rêh, tâm nĕ nuĭh Jarai geh rlău 70%. Xã dôl mât uănh rlău 14 rbăn ha bri n’hanh neh bri. Xã dôl ntrôl dăng nău kan rgŏ jă ƀon lan tât râng dơn mât tăm bri, hun hao wăng sa tuch tăm- mât bri gay ma n’hao nău geh. Tĭng nău mbơh bâh kruanh n’gâng kan, kruanh Ủy ban dân tộc Hầu A Lềnh nău kan mpôl rnoi ta Ia Mơr tâm ba năp nơh geh du đê̆ nău dơi âk. Yơn lah, yor neh pah kan bâh nuĭh ƀon lan mô hŏ âk, trong hăn geh âk nău jêr, jêng nău rêh ƀon lan hôm nha dŭt jêr. Wa Hầu A Lềnh lĕ dăn đă đah ta ntŭk mpeh du đê̆ trong kan gay ma n’hao nău dơi , nău geh, ntop ntrôll ngăch nău kan n’huch ach o, ngăn lah rnăk rnoi đê̆, dăn đă xã mât uănh, n’hao nău way ueh êng bâh ăp mpôl rnoi ndrel đah rdâk njêng, ndâk nsơm nău tâm rnglăp.

Nuĭh rblang: Thị Đoắt