VOV4.M’Nông- ƀư tay bôk nău pah kan ta ăp n’gor Tây Nguyên, kêng măng nar 28/4, mpôl pah kan bâh Ủy ban dân tộc yor kruanh n’gâng kan, kruanh Ủy ban dân tộc Hầu A Lềnh leo hăn lĕ geh rơh pah kan đah UBND n’gor Dak Lak mpeh nău pah kan mpôl rnoi n’hanh ƀư tĭng nău kơl mpôl rnoi, nău geh mbơh ƀư bôk nău kan nkô̆ mpŏng ngih dak hun hao wăng sa rêh jêng nkual rnoi đê̆ n’hanh gôl yôk lvang năm 2021-2022 ta Dak Lak.

Lôch geh djăt ăp nău tâm rgop ta rơh pah kan, kruanh n’gâng kan, kruanh Ủy ban dân tộc Hầu A lềnh rnê âk nău nsrôih bâh n’gor Dak Lak tâm nău ƀư tĭng ăp nău kơl mpôl rnoi n’hanh nău ngăch ƀư ăp bôk nău kan nkô̆ mpŏng ngih dak tâm let năp tay. Kruanh n’gâng kan dăn đă n’gor an geh mât uănh âk lơn tât nău ueh êng mpeh ƀon lan gŭ gay ma dơi geh ăp nău kơl kan an tâm di, săk rnglăy an ăp nkual, ăp mpôl rnoi, nsrôih răng dăng rdâk njêng ăp nău kan tơm khlăy lah bôk nău kan nkô̆ mpŏng kan.

Nuĭh rblang: Thị Đoắt