VOV4.M’nông: Kêng măng 27/4, Rmôt hăn kan bah Uỷ ban Dân tộc yor Kruanh, N’gâng kan Uỷ ban Dân tộc Hầu A Lềnh, ƀư kruanh rmôt kan hŏ geh nar pah kan đah UBND n’gor Gia Lai mpeh nau kan rnoi mpôl ndrel hun hao văng sa, rêh jêng nkuăl rnoi mpôl đê̆ ndrel gôl yôk. Đah bôk nau kan neh dak hun hao văng sa rêh jêng nkuăl rnoi mpôl đê̆ ndrel gôl yôk lvang năm 2021-2025.

N’gor Gia Lai đă Trung ương kơl an bơi tât 6000 rmen gay n’gor ƀư ăp nau kan mpeh nau kơl an nau rêh, nau kan, nau n’huch ach o. Tâm nar pah kan, wa Hầu A Lềnh ân lah, Gia Lai hŏ geh âk nau kơl an tât nau kan rnoi mpôl. N’gor hŏ geh ăp nau kan ueh hun hao văng sa rêh jêng tâm nkuăl rnoi mpôl đê̆. Wa Hầu A Lềnh đă Gia Lai ân rƀŏng tât ntuh kơl tơm, khlay lơn ân nkuăl rnoi mpôl đê̆, rgum tâm ăp ntŭk ach o./.

Nŭih rblang: H’Thi