Đại tướng Phan Văn Giang, Ủy viên bộ chính trị, Groi bí thư Quân ủy Trung ương, Kruanh n’gâng kan mât njrăng bri dak leo mpôl đại biểu gưl prêh N’gâng kan mât njrăng bri dak Việt Nam râng ntơm ƀư rƀŭn nchră Kỹ thuật-Tahen lam ntŭr neh 2023 (Army 2023). Rƀŭn nchră Kỹ thuật-Tahen lam ntŭr neh 2023 lah ngoăy tâm âk mpla nsơ phao blêu, ndoh ndơ kỹ thuật lam ntŭr neh geh têh ngăn lam ntŭr neh yor N’gâng kan mât njrăng bri dak LB Nga ƀư ăp năm bah năm 2015 ta Công viên yêu nước-giải trí Patriot (bah dih thủ đô Moscow).

Bah năp nĕ, Đại tướng Phan Văn Giang ndrel mpôl đại biểu gưl prêh N’gâng kan mât njrăng bri dak Việt Nam lĕ tât khâl Đại sứ quán Việt Nam ta LB Nga. Đại tướng Phan Văn Giang nkoch nău mpŏng ŭch tâm năm tât, cán bộ, nuĭh pah kan Đại sứ quán Việt Nam ta LB Nga mât uĕh tay nuih n’hâm tâm rnglăp, mĭn ƀư mhe, n’hao nău mĭn nsum, ƀư tŭng uĕh nău kan Đảng, Ngih dak jao an, rgop tâm boh kan ndrel lĕ rngôch đah LB Nga ta ăp nău kan, tâm nĕ geh kan ndrel mât njrăng bri dak.