VOV4.Mnông- Kruanh n’gâng kan nchră nău đah dak bah dih Bùi Thanh Sơn ntơm rơh tât khâl ngăn dak Hàn Quốc di rơh tât râng rƀŭn nchră kruanh n’gâng kan bôk nău kan Đông Nam Á bâh Tổng thư ký rmôt kan tâm kơl n’hanh hun hao wăng sa tĭng nău jă bâh Tổng thư ký ntŭk kan tâm kơl n’hanh hun hao wăng sa, bâh nar 9 tât 11/2/2022. Bâh nău kan lah nuĭh dâk bôk năp kruanh n’gâng kan nchră nău đah dak bah dih Việt Nam, aơ lah rơh tât khâl Hàn Quốc bôk năp bâh kruanh n’gâng kan Bùi Thanh Sơn lôch geh pă nău kan. Nău tâm boh kan nchră nău đah dak bah dih ntrong kan Việt Nam Hàn Quốc geh mât tay săk rnglăy bâh âk trong kan, tâm nđur kan gâl têh, ăp gâl kan n’gâng kan, ntŭk kan geh mbơh ƀư tâm di, âk nău kan sŏng dăng, tâm mbơh sŏng săng, tâm nchră ma điện thoại, tâm mâp âk ding. Việt Nam lah dak kan ndrel dŭt khlăy tâm nău kơl kan mpŏng let ba dâng mhe n’hao bâh Hàn Quốc. Bar dak lĕ geh mât tay nău tâm kơl ndrel, tâm rgop na nê̆ tâm ăp rơh tâm mâp ta nkual n’hanh lam ntur neh.

                    Nuĭh rblang: Thị Đoắt