VOV4.M’nông- Ta ntŭk kan n’gâng kan nchră nău đah dak bah dih, kruanh n’gâng kan nchră nău đah dak bah dih Bùi Thanh Sơn lĕ geh vơt groi kruanh tal 1 n’gâng kan nchră nău đah dak bah dih Hoa Kỳ, wa bu ur Wendy Sherman di rơh tât khâl Việt Nam bâh ntơm narv 10-13/6/2022. Ta rơh vơt, kruanh n’gâng kan lah na nê̆ Việt Nam uănh Hoa Kỳ lah ngoăy tâm âk dak kan ndrel bôk năp, mbra ndrel đah Hoa Kỳ ntrôl nău tâm boh kan lĕ rngôch hăn tâm nău têh hvi, săk rnglăy, na nê̆ bâh nău tâm ryơk, ƀư tơm, lĕ rngôch nkual neh n’hanh lĕ trong kan chính trị bâh bar ding. Bar ding tâm mbơh mpeh ăp trong kan na nê̆ ntrôl tâm kơl ta ăp trong kan 2 ding kơt lah tâm mbơh nău kan gâl têh, njrăng, rdâng nău nuh srê, ndâk nsơm wăng sa rêh jêng lôch nuh srê, tâm mbơh nău tăch rgâl- ntuh kơl, ndâk nsơm nău tât tâm lơh tâm su, nău rdâk njêng ntŭk kan ndơn kan. Bar ding lĕ tâm nchră mpeh ăp nău ta lam ntur neh n’hanh ta nkual ndrel mât uănh kơt lah nău mĭn tâm rgop ta nkual châu Á- Thái Bình Dương n’hanh Ấn Độ Dương, mpeh nău biển đông, hun hao nâp nâl n’hanh n’hao tâm kơl ntĭm nti ta nkual dak me Mê Kông, nău ta Nga- Ukraine.

Nuĭh rblang: Thị Đoắt