Ndơn nau jă bah Kruanh n’gâng kan nchră nau Châu Âu ndrel N’gâng kan nchră nau Catherine Colonna. Kruanh n’gâng kan nchră nau Việt Nam Bùi Thanh Sơn hŏ khâl ngăn dak Pháp ntơm lơ 5-6/6/2023. Tâm nar tâm nchră ôi 5/6, Kruanh n’gâng kan Bùi Thanh Sơn lah rjăp, Việt Nam mro uănh khlay nau tâm boh ma dak Pháp, dak kan nsum khlay tâm EU, dak kan nsum bah Việt Nam đah âk nau tâm rgop mpeh nau ơm, văn hoá, kon nŭih.

Kruanh n’gâng kan Bùi Thanh Sơn đă Chính phủ Pháp kơl an, ntrŭt dăng Quốc hội Pháp ơm ân geh ƀư nau tâm ton Mât nau ntuh kơl ân Việt Nam-EU (EVIPA), ntrŭt dăng Uỷ ban Châu Âu (EC) ơm jăng lơi nau nkah thẻ vàng (IUU) bah EC đah tui ka bah Việt Nam. Bar Kruanh n’gâng kan kŏ tâm nchră tât nau kan tâm nkual, lam ntur neh ndrel uănh khlay, lah rjăp lŏ tâm rgop ngăn ndrel tâm kơl ngăn tâm ăp ntŭk tâm nchră âk ding, ngăn lah Liên hợp quốc ndrel ntrŭt dăng nau tâm nchră ƀư nau kan ASEAN-EU./.