VOV4.M’nông: Ndơn nau jă bah Kruanh n’gâng kan neh dak Việt Nam, Đại tướng Phan Văn Giang, Kruanh N’gâng kan neh dak Ấn Độ Rajnath Singh mra geh rơh khâl ngăn tât Việt Nam 3 nar ntơm lơ 8/6. Tâm rơh khâl, Kruanh n’gâng kan Rajnath Singh mra lăp lăng chop Kruanh Hồ Chí Minh, tâm nchră đah N’gâng kan Phan Văn Giang, mbah Kruanh dak Nguyễn Xuân Phúc ndrel Thủ tướng Phạm Minh Chính. Bar kruanh n’gâng kan mra nchră mpeh nau tâm boh neh dak đah bar dak rơh rlau aơ ndrel tâm nchră ăp nau kan mhe gay ma n’hao nau tâm nthoi tâm nau kan aơ. Tâm rơh khâl aơ, Kruanh N’gâng kan neh dak Rajnath Singh mra râng nau jao 12 duk mêt uănh ngăch tâm rnoh prăk bah neh dak dŏng rvăt 1000 rkeh đôla bah Chính phủ Ấn Độ ân an Việt Nam./.

Nŭih rblang: H’Thi