Ôi lơ 13/11, ta ntŭk kan N’gâng kan neh dak, Đại tướng Phan Văn Giang, Uỷ viên Bộ chính trị, Groi Bí thư Quân uỷ Trung ương, Kruanh n’gâng kan neh dak Việt Nam ƀư tơm nar vơt Đại tướng Tea Seiha, Groi Thủ tướng, Kruanh n’gâng kan neh dak Campuchia khâl ngăn Việt Nam. Jêh rnôk vơt, Đại tướng Phan Văn Giang ndrel Đại tướng Tea Seiha, hŏ ndrel ƀư tơm nar tâm nchră đah bar rmôt. Bar ding tâm ban nau rnê lah, rơh rlau aơ, nau tâm boh kan nsum neh dak đah bar dak geh dơi âk nau ueh, lŏ lah ngoai tâm ăp n’gâng tơm khlay tâm nau tâm boh đah bar dak.

Tâm nchră gưl prêh ăp gưl, ngăn lah gưl prêh geh mât săk tam, ăp nau kan tâm boh neh dak geh ndâk ndrel ntrŭnh ƀư ueh, leo nau tâm boh neh dak bar ding hun hao ueh n’ăp ma nau hvi ndrel jri. Rơh tât, bar ding tâm ban nau n’hao nau kan tâm rgop, lŏ ƀư ueh nau ntrŭnh kan lvang năm 2019-2024 ndrel nau nchrăp tâm boh ăp năm, leo nau tâm boh neh dak hun hao du nhoat mhe, rgop ngăn tâm nau hun hao ueh bah tâm boh tâm dăch, tâm boh vay ơm, tâm boh nâp nâl ăp ntil jŏ jong đah Việt Nam ndrel Campuchia./.