Kêng măng 11/8, wa Phạm Thị Thanh Trà, Ủy viên Trung ương Đảng, Bí thư Ban cán sự Đảng, kruanh n’gâng kan Nội vụ ndrel mpôl pah kan lĕ geh rơh pah kan đah Ủy ban nhân dân n’gor Dak Lak mpeh nău geh ƀư tĭng nău pah kan bâh trong kan mât uănh ngih dak bâh n’gâng kan Nội vụ ta n’gor Dak Lak bâh năm 2021 tât nar 30/6/2023.

Ta rơh pah kan, kruanh n’gâng kan Nội vụ Phạm Thị Thanh Trà nchŏng na nê̆, tâm rnôk mbơh tơih, Dak Lăk hôm nha geh âk nău mô dơi rnôk ê hŏ geh nău kơl kan dăng gay ma ƀư tĭng nău pă dăp, mât rnoh kan, hôm nha wĭ wĕ ta trong pă dăp ntŭk leo kan, du đê̆ ntŭk nău kan, nuĭh leo kan hôm nha mô dơi, mpôl cán bộ công chức ntŭk kan ba dâng âk ntŭk mô hŏ blău kan, du đê̆ cán bộ geh nău der kan, mô dơn kan. Trong kan rgâl mhe nău kan hành chính mô hŏ tâm di. Mpeh ăp trong kan tâm let năp tay, kruanh n’gâng kan Nội vụ Phạm Thị Thanh Trà đă n’gor Dak Lăk rdâk njêng du nău kan tơm khlăy na nê̆ mpeh rnoh nuĭh kan, tâm nĕ geh rnoh cán bộ lah nuĭh rnoi đê̆ , n’hao nău dơi mât uănh leo kan ngih dak ta du đê̆ trong kan, ngăn lah ta trong kan phung chroh n’hanh mpôl rnoi.