Ăp khay bôk năm 2023, dĭng lĕ sŏk an tơm prăk ta Gia Lai geh 2000 rmen prăk. Dĭng lĕ tăch chrai ndoh ndơ n’hanh sŏk geh tăch rgâl 4 khay geh rlău 30 rbăn rmen prăk, hao rlău 25% nkôp đah rơh aơ. Geh prăk tăch n’gluh 4 khay geh 310 rkeh đôlar, tâm nĕ tăch n’gluh âk lah cà phê, cao su hao lĕ rnoh geh n’hanh khlay. Năm aơ, Gia Lai dơi jao dĭng lĕ trong nchrăp prăk ntuh kơl nsum rlău 4.000 rmen prăk, kơp tât aƀaơ knŭng mhe pă an geh 335 rmen prăk.

Ntoh ngơi ta nar pah kan, Kruanh N’gâng kan tâm rnglăp nchră nău Bùi Thanh Sơn djôt dơn ăp săk rnglăy n’gor Gia Lai geh ta ăp ntil nău n’hanh đă n’gor mât uĕh tay jâng nsan, n’hao kan ndrel lam ntŭr neh gay pơk hvi ntŭk tăch n’gluh. Mpeh pă an prăk ta ăp nău nchrăp ƀư, Kruanh N’gâng kan tâm rnglăp nchră nău Bùi Thanh Sơn an lah rnoh pă an prăk ntuh kơl nsum ma Gia Lai dơi geh dŭt mbrơi, jêng n’gor an geh trong mkra nău aơ.