VOV4.M’nông – Dơn nău jă bah Kruanh n’gâng kan tâm rnglăp nchră nău Bùi Thanh Sơn, Kruanh N’gâng kan tâm rnglăp nchră nău Cộng hòa Panama Ê-ri-ka Mu-nết (Erika Mouynes) ntơm hăn khâl na nê̆ Việt Nam bah nar 5-6/4/2022. Ta Ngih năch Chính phủ, Kruanh N’gâng kan Bùi Thanh Sơn lĕ rgum nchră đah Kruanh n’gâng kan E. Mu-nết. 2 ding lĕ mbơh ndrel mpeh nău ăp dak dăch aơ; kơp uănh nu nău n’hanh tâm rgâl ăp trong mkra n’hao kan ndrel ta ăp ntil chính trị, tâm rnglăp nchră nău, wăng sa, tăch rgâl, lŏ mir... kơt kan ndrel ta ăp rƀŭn nchră lam ntŭr neh, ăp ding. 2 Kruanh n’gâng kan nkoch nău ŭch ntrôl kan ndrel đah 2 dak ta ăp nău kan mhe hôm e geh âk ndơ kơt nchoăt rdêng trong dak lêng, rdâng rgâl trôk nar, ŭnh nar nkra njêng tay....; nkre, tâm pă n’hanh tâm ban ŭch nău mĭn mkra ăp tâm pit lam ntŭr neh đah trong mkra đăp mpăn tĭng luật pháp lam ntŭr neh.

Nŭih blang: Y Sưng Phê Ja