Nar nđaơ (31/10), ta Hà Nội, N’gâng kan Công an ƀư an Huân chương Hữu nghị an Đại tướng Kolokotsev Vladimir Alexandrovich, Kruanh N’gâng kan Nội vụ Liên bang Nga. Ndơn măt N’gâng kan Công an Việt Nam, Kruanh N’gâng kan Tô Lâm mbah rhơn Kruanh N’gâng kan Kolokotsev Vladimir Alexandrovich, mbah rhơn ăp băl kan ndrel Nga lĕ geh âk nău dơi tâm nău mât đăp mpăn nău rêh jêng, mât nău rêh đăp mpăn an nuĭh ƀon lan Nga, geh âk n’hâm soan, lôch uĕh ăp nău kan ma kruanh Ngih dak Liên bang Nga jao an.

Ntoh ngơi ta nar ƀư, Kruanh N’gâng kan Nội vụ Liên bang Nga lah uĕh Đảng, Ngih dak Việt Nam lĕ an Huân chương Hữu nghị-aơ lah ndơ nkhôm têh khlay, geh nkô̆ đah săk đồng chí, nău kơp dơn ăp nău rgop khlay tâm nău ntrôl tâm boh đah 2 dak Liên bang Nga-Việt Nam lah nsum, đah N’gâng kan Nội vụ Liên bang Nga-N’gâng kan Công an Việt Nam lah êng nar lơ hun hao, hăn lăp jru, geh săk rnglăy ngăn ngên.