Ta Hà Nội, N’gâng kan Công an ƀư rơh rƀŭn nchră nau kan, nau tă geh bah nau kan công an khay 5, nau ƀư nau kan tơm tâm khay 6/2023. Đại tướng Tô Lâm, Kruanh N’gâng kan công an ƀư tơm nar rƀŭn. Tâm khay, Công an ăp rmôt kan, nkuăl hŏ mêt uănh, lơh khuch rai rlau 3 rbăn nau tih mpeh nau đăp mpăn nau rêh, nhŭp rlau 6.300 nŭih. Hŏ rđau đă, saơ rlau 2.469 nŭih geh nau tih ma ma tuý, sŏk kân rlau 67 kg Heroin, rlau 217kg ndrel rlau 89 rbăn grăp ma tuý tổng hợp. Ntoh nau tâm nar rƀŭn, Kruanh n’gâng kan Tô Lâm đă, Công an ăp rmôt, nkuăl ân ƀư ueh nau kan mât đăp mpăn neh dak, nchrăp uănh nau kan bah lam ntur neh, nkuăl gay ma năn tâm nchră nau ma Đảng, Ngih dak ăp nau ntrŭnh, ntrong kan tâm di.

Đăp mpăn rnă njrăng, đăp mpăn văng sa, đăp mpăn mạng, đăp mpăn chính trị tâm ntŭk kan, nau luh lăp dak êng...Ntrŭt dăng ngăch nau mêt uănh ăp nau tih tâm Rnâng kan rđau kan Trung ương mpeh nau njrăng, rdâng sa khâm tih dôih mêt uănh, rđau đă. Nchrăp ntrŭnh ăp nau kan njrăng, rdâng phung tih dôih mhe ntoh, ngăn lah “tih dôih trong nkuăl ƀon têh”, tih dôih “ân manh prăk sŏk prăk kon”, tih dôih hình sự tâm ntŭk kan mạng, rgum lơh rdâng ân săk tam đah phung tih dôih ma tuý./.