VOV4.M’nông: Kêng măng 22/4, Đại tướng Tô Lâm, Uỷ viên Bộ chính trị, Kruanh n’gâng kan Công an, hŏ ƀư tơm nar rƀŭn tal bar bah Rnâng kan rđau nau lôch nau ntrŭnh Trung ương 8 gưl XI mpeh nau rƀŏng kan mât neh dak tâm rơh mhe bah N’gâng kan Công an. Ntoh nau tâm nar rƀŭn, Kruanh n’gâng kan Tô Lâm rnê nau nsôih, nau kan bah ăp nŭih kan nsum tâm rmôt rđau kan, ngăn lah Rnâng kan rđau nau kan tâm roeh rlau aơ hŏ ndal ƀư jêh ăp nau kan ngăn gay ma ntĭm mbơh Công an ăp nkuăl, ăp rmôt ƀư.

Mpeh nkô̆ nau lôch rƀŭn, Kruanh N’gâng kan đă ân geh rgum ƀư ueh nau kan chính trị, văng sa bah lam ntur neh, ăp nau tât, nau ntul rlong nkri tât nau đăp mpăn bah neh dak bah Việt Nam, ƀư kloh tâm 10 năm rlau aơ, rmôt Công an ƀon lan hŏ dơi rklaih moh nau kan, moh nau kan ê geh dơi rklaih, nau geh ƀư ăp nau kan, nau mĭn, ntrong ƀư nau ntrŭnh Trung ương 8 gưl XI./.

Nŭih rblang: H’Thi