Kêng măng 19/4, ta Hà Nội, N’gâng kan Công an ƀư nau vơt ngăn Rmôt kan ntoh măt gưl prêh N’gâng kan ndal Cộng hoà Belarus yor wa Sinyaskiy Vadin Ivanovich, Kruanh N’gâng kan leo bôk dôl geh rơh hăn khâl, pah kan ta Việt Nam. Tâm nar vơt, bar Kruanh n’gâng kan hŏ tâm nchră. Kruanh n’gâng kan Tô Lâm lah rjăp, Việt Nam mro uănh khlay nau tâm boh ueh đah N’gâng kan Công an Việt Nam ndrel N’gâng kan ƀư nau kan ndal Belarus, tâm rnôk tâm nchră, bar ding tâm ban, jêh rnôk ký ton nau nchrăp tâm boh đah N’gâng kan Công an Việt Nam ndrel N’gâng kan ndal bah Belarus, mra nsôih ndâk nau nchrăp kan ngăn gay ntrŭnh ƀư ăp nkô̆ nau, bôk nau kan tâm boh ngăn đah bar ntŭk kan gay ma ntrŭt dăng ndrel n’hao lơn tay nau tâm boh kan nsum đah bar N’gâng kan.

Nkre n’hao nau tâm nchră rmôt kan ăp gưl mpeh nau tâm boh ndrel tâm pă mbơh ăp nau blau, nkah ndrel njrăng rdâng đah ăp nau tât ndal. Pă mbơh nau blau kan ndâk Ntŭk nkah mbơh ŭnh sa ơm ndrel nau khuch bah trôk nar lơh. Mbơh, nkoch, jao ndơ kan, tâm rgop nkra ăp ntil ndơ mpuh n’hât ŭnh sa ndrel kơl an mhe. Mbơh nkoch gay ma ntop ƀư jêh ntrong ntrŭnh ƀư mpeh pháp lý mpeh nau njrăng ŭnh sa ndrel kơl an nau mâp khuch./.