Kruanh n’gâng kan Tô Lâm lah na nê̆, Việt Nam way uănh khlăy n’hanh ŭch ndrel đah Liên bang Nga geh ndơ̆ tay nău tâm boh tâm rnglăp way ơm đah 2 dak ăp nar lơ ma hun hao, săk rnglăy, ngăn ngên, nâp nâl n’hanh geh nău knơm.

Bâh nĕ nău tâm boh kan ueh đah 2 ngih dak ăp nar ma ueh, tâm boh tâm kơl kan đah n’gâng kan công an Việt Nam n’hanh mbơh nău ndal bâh Liên bang Nga lĕ geh njêng tâm âk năm ba năp, geh nău dơi ueh ta âk trong kan. Kruanh n’gâng kan Kurenkov Aleksandr Vyacheslavovich lah na nê̆, nău tâm kơl kan na nê̆ đah 2 n’gâng kan ta âk trong kan, ngăn lah ta trong kan njrăng rdâng ŭnh sa n’hanh vơt nuĭh rmanh, tâm mbơh nău tă blău kan n’hanh ndâk nsơm nău tât ndal lĕ ntop ƀư ueh lơn, ndâk nsơm nău tâm rnglăp, tâm boh kan way ơm đah 2 ngih dak ăp nar lơ ma nâp nâl, hun hao.