VOV4.M’nông- Ta rơh tât khâl ngăn dak Lào, kêng măng nar 17/5, kruanh QH Vương Đình Huệ n’hanh mpôl đại biểu gâl têh Quốc hội dak he lĕ tât khâl ngih nti DTNT n’gor Champasak. Ngih nti PT DTNT bâh n’gor Champasak lah ngoăy tâm âk nuĭh nti bâh chính phủ n’hanh ƀon lan Việt Nam pă an chính phủ n’hanh ƀon lan Lào. ngih nti PTDTNT n’gor Champasak geh njêng bâh năm 1999, tât aƀaơ, ngih nti lĕ ntop ƀư kơl âk oh kon ăp mpôl rnoi Lào bâh 4 n’gor ba dâng Lào hăn nti. Ngih nti lĕ geh âk nău dơi ueh tâm nău nti n’hanh ntĭm. Ngăn lah uănh khlăy tât nău nti Tiếng Việt. Ngih nti DTNT n’gor Champasak aƀaơ geh rlău 900 kon hoc, ta 14 mpôl rnoi. Kruanh QH Vương Đình Huệ an gĭt, bar Đảng, bar ngih dak an rgum âk rnoh kan ntĭm nti gay ma hun hao rnoh nuĭh kan, gay ma tâm di đah nău ŭch ta rơh mhe. Mpeh nău dăn đă bâh ngih nti pă học bổng, geh kơl an tay, mât, nkra, ƀư ueh năp ndơ dŏng nti n’hanh nău nti an ngih nti. Kruanh QH Vương Đình Huệ kơp dơn n’hanh pă an Đại sứ quán Việt Nam ta Lào ndrel đah ăp ntŭk kan tâ Ủy ban Tâm kơl bar chính phủ mĭn uănh n’hanh uănh n’hêl gay ma geh njoat doh rklaih. Di rơh aơ, kruanh QH Vương Đình Huệ lĕ pă ndơ an ăp kon hoc nti blău nău Việt bâh ngih nti, pă an ngih nti ăp ndơ geh sƀ, ndơ dŏng ta ngih nti đah rnoh khlăy 320 rkeh prăk.

Nuĭh rblang: Thị Đoắt