Ntoh gnơi ta rơh tâm nchră, kruanh Quốc hội Vương Đình Huệ mbơh mpeh nău hun hao wăng sa, ntuh kơl ta Việt Nam, nkre lah an gĭt, Quốc hội n’hanh Chính phủ Việt Nam dôl geh ƀư lôch nău kan, njêng nău mhe ta ntŭk ntuh kơl tăch rgâl an dơh nơih lơn an ăp nuĭh ntuh kơl tâm dak n’hanh dak bah dih, lĕ ma doanh nghiệp ngih dak n’hanh doanh nghiệp kan êng, doanh nghiệp dak bah dih.

Kruanh Quốc hội Vương Đình Huệ dăn đă bar ding an geh nta tay nău dơh nơih an nău tăch ngluh ăp ntil ndơ geh nău dơi ta ntŭk tăch rgâl bar ding, na nê̆ lah tăch ngluh đah rnoh pă an n’hanh rnoh khlăy đăp mpăn ăp ntil ndơ mbo, tuh bâh Santa Fe n’hanh 3 n’gor miền Trung Argentina lah êng n’hanh bâh Argentina lah nsum. Việt Nam ŭch 3 n’gor uănh n’hêl, rvăt nglăp ăp ntil ndơ ueh êng bâh Việt Nam kơt lah phe, cà phê, cao su, ndơ tanh cheh, găr điều, máy mok ăp ntil ndơ điện tử gay ma n’hao rnoh prăk tăch ndơ đah bar ding mpŏng tât an tâm ban nău tăch rgâl.