VOV4.Mnông- Tâm rơh tât khâl ngăn ta Việt Nam, kêng măng nar 22/6, kruanh Quốc hội Mozambique n’hanh mpôl đại biểu gâl têh Quốc hội Mozambique lĕ tât khâl n’hanh pah kan đah nkuăl ƀon têh Cần Thơ. tâm mbơh đah Bí thư nkuăl ƀon têh Cần Thơ, kruanh Quốc hội Cộng hòa Mozambique bâh rơh tâm nkah mpeh tâm kơl đah Quốc hội Việt Nam n’hanh Mozambique. Mpeh nău tâm kơl tâm ba let năp tay, wa Lê Quang Mạnh, Bí thư nkuăl ƀon têh Cần Thơ an gĭt mbra tâm mbơh nău tă gĭt mât rong tui ka n’hanh tuch tăm, nău gĭt pah kan nkra njêng, nkret njêng, n’hao nău ueh n’hanh nău geh bâh ăp ntil ndơ tuch tăm, tui ka, ntil ndơ rong, nău gĭt vât tâm nău pah kan jan sa, nkret njêng, n’hao nău geh âk ndơ  n’hanh nău ueh jêng ăp ntil ndơ tuch tăm, tui ka, ntŭk kan tâm kơl hun hao trong mât tăm tơm tăm, kon rong n’hanh tui ka geh ueh jêng, rdâk njêng nkual tăm ba ueh jêng tĭng nău kan dâng lŏ têh, rdâk njêng ntŭk mât rong đăp mpăn bah geh nuh srê, tâm kơl mbơh nău tă gĭt blău kan tâm nău nkret njêng, mât rbăy, mât ueh ndơ tui ka drăp ndơ, n’hao rnoh khlăy ndơ tuch tăm tơm khlăy, tâm kơl tâm rgâl, tăch rvăt ntil ndơ tuch tăm.

Nuĭh rblang: Thị Đoắt