VOV4.M'nông: Ôi 9/2, Kruanh Quốc hội Vương Đình Huệ hŏ khâl, mbah rhơn Tết n'hanh ôp uănh tay ăp tŏng du đêt nău kan mpeh n'glôch jêh năm 2021, trong rƀŏng năm 2022; nô nău tĭng ƀư nău ntrŭnh mbrô 11 bah Ban Bí thư mpeh nău ƀư Tết Nhâm Dần năm 2022 ta nkual ƀon têh Hải Phòng.

 Ntơh măt kruanh rđău kan Đảng, Ngih dak, Quốc hội, Ủy ban Thường vụ Quốc hội, Kruanh Quốc hội Vương Đình Huệ nchih nkah, n'hanh rnê âk ăp nău dơi geh ma Đảng bộ, n'gâng kan n'hanh ƀon lan nkual ƀon têh Hải Phòng hŏ dơi geh tâm bah ri aơ nơh. Lah rjăp ăp trong rƀŏng, nău kan năm 2022 bah nkual ƀon têh Hải Phòng dŭt lam lĕ, Kruanh Quốc hội Vương Đình Huệ dăn đă, nthoi tay ăp nău dơi hŏ geh tâm năm 2021, năm 2022, Hải Phòng ân rđău đă tay, tĭng ƀư geh nău dơi tam Nghị quyết, nău ntrŭnh, n'glôch jêh bah Trung ương. Nghị quyết bah Đảng, Nghị quyết bah Quốc hội, Chính phủ mpeh rnoh tât hun hao wăng sa- rêh jêng kon nuĭh năm 2022 tĭng nuih n'hâm ndăn ngăch, lĕ n'hâm suan lôch rlu Tết.

Nuĭh rblang: Điểu Thân