VOV4.M’nông – Kêng măng 25/1, ta nkual ƀon têh Hồ Chí Minh, Kruanh Quốc hội Vương Đình Huệ n’hanh mpôl pah kan lĕ khâl, mbah rhơn tết nuĭh geh soan, rnăk wâl dơi kơl, rmôt kan bôk trong rlong sial njrăng n’gang srê Covid-19 n’hanh ăp kon se dôl dơi mât rong n’hanh săm ji ta Ntŭk rdâk nkra sĭt săk n’hanh ntop kơl kon se koet nte.

Kruanh Quốc hội khâl, mbah rhơn tết nuĭh geh soan, rnăk wâl dơi kơl, rmôt kan bôk trong rlong sial njrăng n’gang srê Covid-19 ta nkual ƀon têh Hồ Chí Minh

Kruanh Quốc hội nkoch nău răm rhơn rnôk saơ nkual ƀon têh moh săk Wa lĕ jêng đăp mpăn nâm ơm mhe, mât ăp nău kan mpeh chính trị, wăng sa, rêh jêng. Tât aƀaơ, rnoh nuĭh F0 mbăn, khĭt yor Covid ăp nar lĕ hŭch dŭt đêt n’hanh bôl geh rdâng khuch mbăn, yơn đah nău way ơm janh dăng mô an du hê ntlơi bah kơi, Nkual ƀon têh hôm e mĭn uănh uĕh trong kan đăp mpăn kon nuĭh, gay ăp nuĭh, ăp jay geh Tết da dê.

Nŭih blang: Y Sưng Phê Ja