VOV4.M’nông: Lŏ tâm rơh hăn kan tâm ăp n’gor mpeh ba dâng ndrel Đồng bằng sông Cửu Long, ôi lơ 25/1, Kruanh Quốc hội Vương Đình Huệ ndrel rmôt hăn kan hŏ tât khâl, rhơn tết cán bộ, tahen công an ndrel rmôt nau dak si bôk năp njrăng rdâng srê tâm n’gor Cà Mau. Kruanh Quốc hội Vương Đình Huệ lah rjăp, Cà Mau geh ntŭk ueh mpeh nau kan văng sa neh dak đăp mpăn, nkuăl neh nâp ueh bah neh dak. Yor lah ntŭk kan tơm, ndri ma rmôt công an n’gor Cà Mau ân geh nsôih lơn tay ma nau dôl geh. Gay nkah ăp rmôt tâm mpeh bôk năp njrăng rdâng srê Covid-19, ntoh măt ân ân rđau kan bah rmôt rđau kan Đảng, Ngih dak, Kruanh Quốc hội Vương Đình Huệ hŏ pă nklâm ndơ ndrel rhơn ân ăp cán bộ, tahen tâm rmôt công an ƀon lan ndrel ăp nai dak si bah n’gor Cà Mau ndrel rnăk vâl geh du năm vơt tết mhe, tĭng nau kan ‘Têt tâm mâp-năm mhe ueh lăng”./.

Nŭih rblang: H’Thi