Kêng măng 19/6, ta Ngih kan Quốc hội, Kruanh Quốc hội Vương Đình Huệ hŏ vơt rmôt kan Nghị sĩ ƀư nau kan tâm boh đah ăp dak Đông Nam Á ndrel ASEAN bah Nghị viện Châu Âu (EP) khâl Việt Nam yor wa Daniel Caspary, Kruanh rmôt kan ƀư tơm. Kruanh Quốc hội Vương Đình Huệ lah rjăp, Việt Nam uănh khlay ndrel ŭch trŭt dăng nau tâm boh đah Liên minh Châu Âu (EU), tâm nê geh Nghị viện Châu Âu-dak kan nsum khlay bôk năp tâm nau kan tâm nchră bah Việt Nam tâm ăp ntrong kan Quốc hội, Chính phủ, tâm n’ur ƀon lan.

Tâm nar vơt, bar ding n’hao nau tâm nchră gưl prêh, ăp gưl, bar ding lŏ tâm boh rjăp, ngăn lah tâm nchră mbơh nau tă blau nau kan tâm nghị viện, ƀư jêh trong kan pháp luật, rklaih ăp nau kan geh tât nau ntul rlong bah lam ntur neh. Êp ăp nau kan n’hao nau tâm boh bar ding, bar ding ân geh nsôih tâm rgop ngăn đah ăp nau tâm nchră âk ding ndrel nkuăl khlay, ŭch, nau tâm boh kan nsum mra lŏ n’hao lơn tay, tâm nê, tâm boh nghị viện mât ƀư nau kan khlay tâm nau tâm boh kan nsum ăp ntil đah EU ndrel Việt Nam./.