Tâm rnôk hăn khâl Liên bang Nga, ta ntŭk kan ntoh măt Việt Nam, Thủ đô Moscow, Kruanh Quốc hội Trần Thanh Mẫn ndrel rmôt kan ntoh măt gưl prêh Việt Nam hŏ mâp, nkoch bri ma cán bộ, nŭih kan bah ntŭk kan nŭih ntoh măt Việt Nam ta Liên bang Nga. Nkoch bri ma ăp nŭih Việt Nam tal Liên bang Nga, Kruanh Quốc hội Trần Thanh Mẫn nkoch mbơh tât nau kan chính trị, văng sa, rêh jêng bah neh dak.

Kruanh Quốc hội rnê nuih n’hâm tâm rnglăp bah nsum mpôl nŭih Việt Nam ta Nga, đah 60 rbăn nŭih kan tâm âk nau kan, kơt: ntĭm nti, pah kan, ê nkra, tăch rgâl ndrel ndâk geh nau tâm rnglăp ueh. Kruanh Quốc hội lah rjăp, nau kan du ntrong bah Đảng ndrel Ngih dak nơm mro kơl an ndrel uănh nsum mpôl nŭih Việt Nam tâm dak ba dih lah du nau mô dơi geh nkhah, lah nau nsôih ân nsum mpôl rnoi mpôl ndrel nŭih kan khlay kơl an n’hao tâm boh, kan nsum đah Việt Nam ndrel ăp dak./.