VOV4.M’nông- Mpôl Đại biểu Quốc hội cộng hòa Mozambique yor kruanh Quốc hội Mozambique leo hăn lĕ tât ta thủ đô Hà Nội, ntơm rơh tât khâl Việt Nam bâh ntơm nar 18-23/6 tĭng nău jă bâh kruanh Quốc hội Vương Đình Huệ. Rơh tât khâl ngăn Việt Nam bâh kruanh Quốc hội ndrel đah mpôl Đại biểu Quốc hội cộng hòa Mozambique gay ma ndâk nsơm n’hanh ntrôl dăng tay lơn nău tâm boh tâm rnglăp way ơm n’hanh tâm kơl âk ding đah bar dak, nkre lah ntrôl nău tâm boh tâm kơl đah Quốc hội Việt Nam n’hanh Quốc hội Mozambique.

Di rơh tât khâl ngăn Việt Nam, mpôl Đại biểu Quốc hội dak Cộng hòa Mozambique lĕ tât khâl n’hanh pah kan đah n’gor Quảng Ninh. Đah nău tâm boh tâm rnglăp way ơm n’hanh tâm kơl âk nău kan đah bar dak, kruanh Quốc hội dak Cộng hòa Mozambique knơm rơh tat khâl aơ mbra ntrôl ueh tay lơn nău tâm boh tâm kơl tâm rnglăp đah Mozambique đah Việt Nam lah nsum n’hanh đah n’gor Quảng Ninh lah êng, ngăn lah ta trong kan tuch tăm, công nghệ viễn thông.

Nuĭh rblang: Thị Đoắt