Gay nkah nau kơl an têh kuăng bah ăp nŭih hăn lor, tâm rnôk hăn kan ta Vĩnh Long, ôi 4/9, Kruanh Quốc hội Trần Thanh Mẫn hŏ leo nkah, mpoh kthup tâm ntŭk nkah Kruanh Hội đồng Bộ trưởng Phạm Hùng ndrel ntŭk nkah Thủ tướng Võ Văn Kiệt. Nchih tâm săm ƀŭt nkah ta aơ, Kruanh Quốc hội Trần Thanh Mẫn ntoh nau rngot ngăn rnôk geh mpoh kthup bah năp huêng khlay bah drâu Kruanh Hội đồng Bộ trưởng Phạm Hùng-rđau kan geh rnơm têh bah Đảng, Ngih dak nơm, nŭih kon geh nau blau bah ƀon tơm Vĩnh Long janh dăng.

Mpoh kthup, leo nkah tâm ntŭk nkah Thủ tướng Chính phủ Võ Văn Kiệt, ta Vũng Liêm, Kruanh Quốc hội Trần Thanh Mẫn ndrel rmôt kan hŏ ntoh nuih n'hâm ryơk ngăn ma drâu Thủ tướng Chính phủ Võ Văn Kiệt, nŭih dŏng lôch nau rêh nơm pah kan cách mạng, mro du nuih n'hâm đah neh dak, đah ƀon lan, rêh ueh, đêp rmên, mro leo nau geh dơi bah Đảng, bah neh dak, bah ƀon lan hao ba lơ, mro lah nŭih ntoh lư, leo trong mpeh nau kan cách mạng: gơih, têm nkrem, pah kan rjăp, geh nuih n’hâm  rjăp, ueh lăng, du hê nŭih cộng sản ngăn ngên geh play nuih ueh mro mrăng tâm nuih n’hâm ƀon lan ndrel băl bên lam ntur neh./.