VOV4.M'nông: Ôi 29/7, ta Jay Quốc hội, Ủy ban Pháp luật pah kan đah ăp n'gâng kan geh tât du đêt nkô̆ nău rgâl nkra, kơi ntop Nghị quyết mbrô 1210 bah Ủy ban Thường vụ Quốc hội mpeh tâm pă ntil nkual ƀon têh n'hanh Nghị quyết 1211 mpeh di rnoh bah đơn vị hành chính n'hanh tâm pă ntil đơn vị hành chính.

Lah ta rơh pah kan, Kruanh Quốc hội Vương Đình Huệ lah rjăp, nău tâm pă n'har neh jêng đơn vị hành chính, tổ chức chính quyền địa phương lah nău dŭt khlay; mpeh tâm pă ntil nkual ƀon têh, i ngăn ăp n'gor dăn đă rgâl nkra da dê 2 nghị quyết dja. Kruanh Quốc hội Vương Đình Huệ đă: Nău tâm pă đơn vị hành chính nkre ân geh nău tâm ban dơn ngoăy neh dak, yơn ân geh nău mha êng; ân gŭ mĭn di tâm ban, geh rpaih nsum, đăp mpăn geh nău tâm ban dơn ngoăy bah lam dak, lôch nê, tâm pă gưl an n'gâng kan ăp gưl tĭng ƀư./.

Nuĭh rblang: Điểu Thân