VOV4.M’nông – Ôi 14/4, ta Ngih Quốc hội, ntơm ƀư rơh rƀŭn tal 10 bah Ủy ban Thường vụ Quốc hội. Ntoh ngơi ta rơh rƀŭn, Kruanh Quốc hội Vương Đình Huệ an gĭt: Ta rơh rƀŭn, ngoăy tâm âk nkô̆ nău khlay Ủy ban Thường vụ Quốc hội mbra an rgop mpeh nău nchrăp bôk nău kan groi nđôi năm 2023; Nău mbơh jêh groi nđôi nkô̆ nău “Nău ƀư tĭng nău kơl, pháp luật mpeh trong kan dăp rgum kơp bah rnôk Luật dăp rgum tay geh tam an dŏng”. Ta rơh rƀŭn, Thường vụ Quốc hội tâm ban ŭch ntop tay bôk nău kan ndâk njêng Luật, pháp lệnh năm 2022 Nghị quyết bah Quốc hội mpeh njong jŏ năm kơt dŏng lĕ rngôch Nghị quyết 42; tâm ban ŭch kơt tĭng sam ƀŭt sam tra ngăch dơh mbơh an Nghị quyết ta rơh rƀŭn khay 5 năm aơ, năm kơt tĭng bah Nghị quyết njong jŏ năm kơt tĭng lĕ rngôch nghị quyết 42 tât nar 31/12/2023. Thường vụ Quốc hội đă Chính phủ djăt ăp nău rgop râng, nkra di jêh nău mbơh n’glôn jêh ƀư tĭng Nghị quyết 42 bah Quốc hội n’hanh sam ƀŭt rhăch nău njuăl ăp ngih pah kan bah Quốc hội n’hanh ăp ngih pah kan uănh nđôi tay.

Nŭih blang: Y Sưng Phê Ja