Kruanh Quốc hội Vương Đình Huệ lah uĕh Đảng, Ngih dak lĕ an lăp lah nuĭh năch dak bah dih bôk năp dơi ntoh ngơi bah năp Quốc hội n’gâng kan ƀon lan Cuba, jêh rnôk Quốc hội khóa 10 săch Mpôl kruanh mhe bah Ngih dak Cuba năm kan 2023-2028. Kruanh Quốc hội lah rjăp, tât aƀaơ rlet rlău âk jêr jŏt, mô an dŭt hô, trôk nar, nuh srê, Cuba dôl geh âk săk rnglăy uĕh ƀư tĭng “uănh joi ntrong kan wăng sa”.

Tâm rnôk tâm rlong lam ntŭr neh dôl geh jêr jŏt, nău nĕ đă 2 dak an tâm rnglăp, kan ndrel rjăp, mât đăp mpăn, ƀư tơm êng, kan ndrel tâm ban. Tĭng nuih n’hâm tâm rgâl, nti ndrel, Kruanh Quốc hội Vương Đình Huệ lĕ nkoch 6 nkô̆ nău khlay mpeh rgâl mhe, n’hao lơn tay uĕh, săk rnglăy nău kan bah Quốc hội Việt Nam tâm lvang mhe. Lôch rơh rƀŭn lĕ rngôch lah mprơ “Như có Bác Hồ trong ngày vui đại thắng” tă bah ăp con hŏk bah Cuba mprơ.