VOV4.M’nông – Ôi 10/3, Ủy ban TVQH an rgop nău tâm nău nchrăp ƀư Pháp lệnh tĭng gưl, sam ƀŭt sam tra uănh mĭn tay, ntrŭnh ndơ̆ an nuĭh mơng ma túy bah tŏng 12 năm deh tât bah dâng 18 năm deh lăp ntŭk ât nchâp đă. Ntoh ngơi ntơm ƀư rƀŭn, Kruanh Quốc hội Vương Đình Huệ an gĭt: Ủy ban TVQH lĕ ƀư tĭng trong n’hanh dăn rgop 6 rmôt nău. Tĭng tâm phiếu nsơr ty lĕ ntrŭnh 2 rmôt nău ôp Kruanh N’gâng kan Công Thương Nguyễn Hồng Diên n’hanh Kruanh N’gâng kan Tài nguyên n’hanh Môi trường Trần Hồng Hà

Kruanh Quốc hội ntoh ngơi ta rơh rƀŭn tal 9 UBTV Quốc hội

. Ta rơh rƀŭn ôi, Ủy ban TVQH tâm ban ŭch đah nău khlay an pháp lệnh mpeh tĭng trong, sam ƀŭt sam tra, ntrŭnh ndơ̆ nuĭh mơng ma túy bah tŏng 12 năm tât bah dâng 18 năm lăp ntŭt ât nchâp đă. Yơn lah, tĭng ăp nuĭh ntoh măt, nuĭh nkra rgâl bah dự thảo Pháp lệnh lah nuĭh mơng ma túy bah tŏng 12 năm tât bah dâng 18 năm n’hanh nău ndơ̆ khân pơng lăp ntŭk ât nchâp đă mô di lah trong mkra hành chính, jêng an ƀư tĭng êng aơ, sam ƀŭt dơh nơih, di kon nuĭh n’hanh đăp mpăn nău uĕh ngăn bah nuĭh geh đă.

Nuĭh rblang: Y Sưng Phê Ja