Ntoh nau tâm nar pah kan đah rđau kan tơm bah n’gor Tuyên Quang tâm kêng măng 30/1, Kruanh Quốc hội Vương Đình Huệ lah rjăp, Tuyên Quang ân geh ntrong ndơn ƀư nau kan mhe tâm nau kan ê nkra gay ma ntrŭt dăng nau hun hao.

Kruanh Quốc hội Vương Đình Huệ đă n’gor Tuyên Quang ân rgum nchră n’gul năm kan, kơp uănh ăp nau kan, uănh tay ăp bôk nau kan ê geh ntrŭnh mô lah ê geh dơi jêh gay ma bonh đă ƀư.

Ngăn lah, Tuyên Quang ân geh rgum ƀư ueh nau kan bah n’gor ân geh tâm di đah nau Rgum nsum lĕ bah neh dak ma Quốc hội mhe ntrŭnh ta rơh rƀŭn ndal tal 2 mhe rlau, rgum mpeh neh ntu, rgum mpeh đô thị, rgum mpeh nkuăl bah n’gor, ƀư jêh nau ndâk nkra gung trong, uănh khlay nau ndâk ăp ntrong hăn ndrel trong rgum, kơp uănh gay ma leo lăp dŏng neh hun hao nkuăl công nghiệp, nkuăl đô thị...

Kêng măng ndrel nar, Kruanh Quốc hội Vương Đình Huệ ndrel rmôt hăn kan hŏ tât khâl Nkuăl ƀư ntŭk nkah ơm bah neh dak ueh khlay Tân Trào, mpoh kthup tâm Lán Nà Nưa; mpoh kthup ndrel tăm tơm si nkah tâm đình Tân Trào./.