VOV4.M’nông – Kêng măng 24/3, ta Jay Quốc hội, Kruanh Quốc hội Vương Đinh Huệ lĕ ƀư tơm nar pah kan bah Đảng đoàn Quốc hội đah Ban Thường vụ Đảng ủy Công an Trung ương mpeh du đêt nkô̆ nău khlay, nkô̆ nău hôm e rgop êng êng mpeh ăp nău nchrăp ƀư Luật, dự thảo Nghị quyết bah Quốc hội yor N’gâng kan Công an ƀư tơm nchih rgum, mbơh an ta Rơh rƀŭn tal 3, Quốc hội khóa 15; jêh ƀư rĭng ăp Nghị quyết bah Quốc hội, Trong ƀư tâm rgop đah N’gâng kan Công an đah Hội đồng Dân tộc, ăp Ủy ban bah Quốc hội; du đêt nău dăn đă đah Đảng đoàn Quốc hội, Ủy ban Thường vụ Quốc hội tâm trong kan tâm ôp tâm nchră, ndâk njêng pháp luật bah N’gâng kan Công an, ngăn lah tâm nău ndâk njêng ăp nău ntrŭnh geh tât nău kan rnă njrăng, mât njrăng bri dak. Ntoh ngơi ta nar pah kan, Kruanh Quốc hội Vương Đình Huệ uănh lah nău ƀư dŭt n’hâm bah công an đah nău ƀư bah Quốc hội; an lah, 2 ding an n’hao tâm rgop mbơh nău, gay kơl ăp nău kan bah Quốc hội tâm nău ƀư tĭng ndâk njêng pháp luật, groi nđôi gưl prêh, ntrŭnh ăp nău khlay bah neh dak n’hanh trong kan tâm rnglăp nchră nău.

Nŭih blang: Y Sưng Phê Ja