VOV4.Mnông- Ôi nar 24/2, ta ntŭk kan Quốc hội, kruanh Quốc hội Vương Đình Huệ lĕ pah kan đah mpôl kan uănh nđôi bâh Ủy ban rnâng kan Quốc hội mpeh “Nău ƀư tĭng ăp nghị quyết bâh Ủy ban rnâng kan Quốc hội mpeh nău pă dăp ăp ntŭk kan hành chính gâl nkuăl, gâl xã tâm lvang năm 2019-2021”.

Ntoh ngơi ta rơh pah kan, kruanh Quốc hội Vương Đình Huệ lĕ tâm ban ŭch đah nău nchrăp kan mbơh ƀư ăp nău kan na nê̆ tâm let năp tay bâh mpôl kan uănh nđôi. Kruanh Quốc hội nkah đă an geh mĭn uănh tay na nê̆ mbơh tơih bâh ăp n’gâng kan, gâl kan, nkuăl ƀon têh bâh trung ương. Kruanh Quốc hội lĕ đă ƀư kloh na nê̆ tay lơn nău kan leo kan bâh gâl ủy Đảng, ngă lah nuĭh dâk bôk năp ăp ntŭk kan tâm nău mbơh ƀư tĭng nău ntrŭnh pă dăp ntŭk kan hành chính gâl nkuăl, gâl xã, geh tă gĭt nău kan gay ma mbơh ƀư an geh săk rnglăy lơn tâm lvang let năp tay.

Nuĭh rblang: Thị Đoắt