Kêng măng 14/12, ta Jay Quốc hội hŏ ƀư ký ton nău way tâm boh kan nsum đah Đảng đoàn Quốc hội đah Ban Nội chính Trung ương. Râng nar ký ton geh Bí thư Đảng đoàn Quốc hội, Kruanh Quốc hội Vương Đình Huệ; Ủy viên Bộ Chính trị, Bí thư Trung ương Đảng, Kruanh Ban Nội chính Trung ương Phan Đình Trạc.

Lah ta rơh ký ton, Kruanh Quốc hội Vương Đình Huệ an lah, tâm bah ri aơ, pah  kan nsum đah Đảng đoàn Quốc hội n'hanh Ban Nội chính Trung ương mô rlu dơi mât uănh khlay, rdâk ƀư tay, rgop n'hao khlay tâm pah kan nsŏng kơl bah bar nhih pah kan kơl Ban Chấp hành Trung ương ma na nê̆, way mbro lah Bộ Chính trị, Ban Bí thư, Ban rđău đă Trung ương mpeh njrăng, n'gang sa khâm tih djơh. Ban rđău đă rgâl tư pháp trung ương mpeh ăp trong kan nội chính, njrăng, n'gang sa khâm, tih djơh n'hanh rgâl dơh glêh tư pháp. Ăp nău dơi khlay tâm pah kan rlăch ndăng, njrăng n'gang sa khâm, tih djơh, nội chính n'hanh rgâl dơh glêh tư pháp geh suan rgop mô đêt bah bar nhih pah kan.

VOV/Nuĭh rblang: Điểu Thân