Tâm rnôk hăn khâl ngăn dak Cộng hòa Cuba, ôi 21.4, mông Việt Nam, ta Thủ đô La Habana hŏ ƀư lễ rgâl moh săk công viên Hoà Bình jêng công viên Hồ Chí Minh n’hanh pâng pla nchih săk jăn n’gâng kan bah Wa. Kruanh Quốc hội Vương Đình Huệ râng rơh lễ. Mpơl nău rngot rhơn rnôk saơ mông nar Công viên Hòa Bình rgâl ngăn săk jêng Công viên Hồ Chí Minh, Kruanh Quốc hội Vương Đình Huệ lah rjăp, Cuba n’hao êng săk geh Kruanh Fidel Castro.

Việt Nam n’hao êng săk geh Kruanh Hồ Chí Minh; công viên Hồ Chí Minh lah ngoăy tâm ăp ntŭk kan têh geh nkô̆ khlay lịch sử, văn hóa ndrel đah ăp ndơ ƀư lịch sử, drăp ndơ ơm yău văn hóa ntlơi an tay êng ƀa ƀă bah thủ đô La Habana njêng du ndru me kiến trúc săk ntơr êng, tâm ban kơt ăp kao si hĭng ntơr wăch rgum bah thủ đô La Habana rsang rnglăy nău gĭt blău, dêh rmên năch, uĕh reh. Kruanh Quốc hội mpŏng n’gâng kan n’hanh ƀon lan quận Plaza, thủ đô La Habana mât ndray tay gay Công viên Hồ Chí Minh mbro mbrăng lah du nău ntĭt khlay, rêh mbro tâm nuih n’hâm ăp nuĭh ƀon lan Cuba n’hanh Việt Nam.