VOV4.M’nông: Kêng măng 3/6, Truyền hình Quốc hội Việt Nam ntơm mbơh ngăn N’gâng kan ndơn mbơh nau năl mhe ndrel ntŭk bah pơk tâm kênh 7. Ntoh măt rđau kan Quốc hội, Uỷ ban Rnâng kan Quốc hội, Kruanh Quốc hội rhơn ngăn mpeh ăp nau tă geh khlay tâm nau rgâl mhe, n’hao nau nâp, nkô̆ nau ndrel nau kan gay ma ntoh bah ăp bôk nau kan bah Truyền hình Quốc hội Việt Nam, tŏng dơi ăp nau đă, nau ŭch bah Quốc hội, Uỷ ban Rnâng kan Quốc hội, âk mpưm cử tri ndrel ƀon lan.

Kruanh Quốc hội Vương Đình Huệ ân lah, aơ lah ăp nau đă nsôih geh nau khlay ngăn gay Truyền hình Quốc hội Việt Nam geh dơi lah rjăp nau dơi, nau kan ngăn ngên lah ntung njŏ đah Quốc hội, ntoh măt Quốc hội ndrel cử tri ndrel nŭih uănh tivi bah lam dak. Kruanh Quốc hội Vương Đình Huệ nkah, rgâl nau uănh năl kŏ ân geh mhe mpeh nau nsôih, mhe mpeh nau blau, mhe mpeh nau kan./.

Nŭih rblang: H’Thi