Ôi 25/2, ta Nkual Di tích lịch sử Ngih dak Truông Bồn, nkuăl Đô Lương, n’gor Nghệ An, Trung ương Đoàn TNCS Hồ Chí Minh ntơm ƀư Khay druh ndăm năm 2024 n’hanh Tết tăm tơm si năm Giáp Thìn 2024. Kruanh Quốc hội Vương Đình Huệ râng n’hanh ntoh ngơi ta ƀư rgŏ jă. Kruanh Quốc hội an lah, khay druh ndăm ăp năm lah nău ƀư geh nkô̆, ntơm tâm ăp yan mhe, yan bah Druh ndăm; lah mĭn ƀư mhe dơi rgum bah ngăn ngên bâh ntrong leo druh ndăm n’hanh trong kan đoàn. Kruanh Quốc hội uănh lah prêh Trung ương Đoàn TNCS Hồ Chí Minh lĕ săch bôk nău pah kan năm 2024 lah “Năm Druh ndăm kơl kan”, mĭn bôk nău Druh ndăm năm aơ lah “Druh ndăm xung kích kơl kan yor nău rêh nsum mpôl”; ƀư tâm ndôp ntơm ƀư Khay druh ndăm n’hanh Tết tăm tơm si na nao nkah gĭt Wa Hồ ndrel tâm du tơ̆, mpơl nuih n’hâm pah kan, nsrôih prêh bah ăp gưl bộ Đoàn.

Rƀŏng tĭng Tết tăm tơm si na nao nkah gĭt Wa Hồ, Kruanh Quốc hội đă ăp gưl bộ đoàn n’hanh druh ndăm lam dak mât uĕh săk rnglăy ăp ntrong kan, trong ƀư uĕh tâm nău ƀư tăm tơm si, jêng bri, mât njrăng ntŭk ntô, njrăng rdâng rgâl trôk nar, mât uĕh ntŭk ntô kloh uĕh. Tâm trong nău ƀư bah khay druh ndăm, Kruanh Quốc hội Vương Đình Huệ lĕ râng ƀư sa nkra thư viện kloh uĕh, ntŭk ntô răk sam ƀŭt an kon se ta xă Nam Thanh, nkuăl Nam Đàn n’hanh mpoh su nhang ta Nkual Di tích Kim Liên, Nkual Di tích lịch sử ngih dak Truông Bồn.