Ôi 3/7, Kruanh Quốc hội Vương Đình Huệ râng ndrel ntoh nau ngơi tâm nar rƀŭn tal 12 Hội đồng nhân dân nkuăl ƀon têh Hà Nội. Kruanh Quốc hội Vương Đình Huệ rnê prêh nau tă geh kan bah Hội đồng nhân dân Nkual ƀon têh Hà Nội, tâm nê, Hội đồng nhân dân nkuăl ƀon têh ndrel ăp gưl kan râng nsôih ngăn, geh nau dơi rjăp tâm nau geh dơi ueh lăng bah rơh săch kan Quốc hội gưl XV ndrel ntoh măt Hội đồng nhân dân ăp gưl năm kan 2021-2026.

Nau ntoh ngăn bah năm kan aơ lah Đảng đoàn Hội đồng nhân dân, Rnâng kan Hội đồng nhân dân Nkual ƀon têh hŏ đă Rnâng kan Thành uỷ Hà Nội ntrŭnh ƀư Bôk nau kan mrô 15 mpeh “N’hao nau dơi, nau tam, nau săk geh bah nau kan bah Hội đồng nhân dân ăp gưl năm kan 2021-2026 ndrel ma nau ƀư rlong nau kan n’gâng kan đô thị ndrel ƀư nâp n’gâng kan ƀon lan nkuăl ƀon têh Hà Nội”. Hội đồng nhân dân nkual ƀon têh hŏ nsôih tâm rgop nsum đah Uỷ ban Quốc hội, rmôt kan ntoh măt Quốc hội nkual ƀon têh gay ma ntrŭnh săk tam ăp nau kan mêt uănh bah Quốc hội ndrel Uỷ ban Rnâng kan Quốc hội./.