Kruanh Quốc hội râng rơh tâm mâp nău kơl, pháp luật ntrôl an tâm kơl wăng sa Việt Nam- Iran
Thứ năm, 10:32, 10/08/2023
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông - Ôi lơ 9/8 tĭng mông ta ntŭk, ta rơh tât khâl ngăn dak Cộng hòa Hồi giáo Iran, kruanh Quốc hội Vương Đình Huệ lĕ tât râng n’hanh ntoh ngơi ta rơh tâm mâp nău kơl, pháp luật mpeh ntrôl tâm kơl kan wăng sa, tăch rgâl n’hanh ntuh kơl Việt Nam-Iran.
Ntoh ngơi ta rơh tâm mâp, kruanh QH Vương Đình Huệ rnê, nău tâm boh kan Việt Nam- Iran aơ lơ ma uhun hao ueh mpơl bâh 3 nău : geh nău tâm rŏng n’hanh tâm ryơk ndrel, hun hao âk bâh chính trị, nchră nău dak bah dih tât wăng sa, tăch rgâl, văn hóa, bar ding ndrel tâm kơl ueh, tâm kơl ta ăp rơh tâm mâp âk ding.
Kruanh Quốc hội đă, bar ding an geh ntrôl dăng ăp rmôt pah kan mpeh tâm mbơh nău tăch rgâl, trok kan. Kruanh Quốc hội knơm, ăp nău jêr jŏt năp lor n’hanh lĕ ma ăp nău kan jŏ jong an nău tâm kơl bâh doanh nghiệp 2 dak mbra geh doh rklaih ăp njoat hăn na nê̆ an geh săk rnglăy, ntop ntrôl ngăch nău hun hao wăng sa, rêh jêng, tâm rgop ta nău dơi geh nsum bâh 2 dak.
Viết bình luận