VOV4.M’nông: Kêng măng 26/8, ta Ngih kan Quốc hội, Hội đồng Khoa học bah Uỷ ban Rnâng kan Quốc hội tâm rgop nsum đah Uỷ ban Văng sa bah Quốc hội, N’gâng kan Tài nguyên ndrel Môi trường, Viện mĭn njêng lập pháp ndrel Hội Luật gia Việt Nam ƀư nau tâm nchră “Rgop nau nchrăp Luật neh ntu (rgâl nkra) tĭng nau ntrŭnh bah Rnâng kan rđau kan Trung ương Đảng gưl XIII”. Rơh tâm nchră yor Kruanh Quốc hội Vương Đình Huệ ndrel ăp nŭih Groi Kruanh Quốc hội ƀư tơm.

Rơh tâm nchră rơh aơ geh ƀư gay ma rgum, ƀư ueh nau kan, n’hâm blau bah ăp nŭih, nŭih kan khoa học, nŭih mât kan, ăp nŭih geh nau blau ngăn tâm âk nau kan râng tâm nau rgop, ƀư jêh nau nchrăp Luật neh ntu (rgâl nkra). Lôch nau tâm nchră mra geh ntŭk kan Rnâng kan bah Hội đồng Khoa học bah Uỷ ban Rnâng kan Quốc hội rgum mbơh đah ăp ntŭk kan geh nau dơi gay ma mĭn, nchră, rgop nau ƀư ueh nau kơl an Quốc hội uănh, nchră Luật neh ntu (rgâl nkra) tâm rơh tât./.

Nŭih rblang: H’Thi