VOV4.M'nông: Kêng măng 6/5, ta Hà Nội, Bộ Công an ƀư tâm nchră sơ kết 01 năm tĭng ƀư N'glôch jêh mbrô 01 bah Bộ Chính trị, n'glôch jêh rơh rgŏ jă "Rdâk njêng trong gŭ dâk Công an ƀon lan han săk, rŏng nuĭh, rhŏ dŏng an ƀon lan", nău way sŏk nău rgop ƀon lan n'hanh ntăm an ăp ndơ nkhôm rnê gưl neh dak. Kruanh Quốc hội Vương Đình Huệ râng tâm nchră. Lah ta rnôk tâm nchră, Ntơh măt kruanh rđău kan Đảng, Ngih dak, Ủy ban Thường vụ Quốc hội, Kruanh Quốc hội Vương Đình Huệ rnê âk n'hanh rhơn ta năp ăp nău dơi geh bah mpôl Công an ƀon lan hŏ dơi geh.

Tâm let năp tay, Kruanh Quốc hội Vương Đình Huệ dăn đă Đảng bộ Công an Trung ương, Bộ Công an ntrôl dăng tay nău kơt nti n'hanh pah kan tĭng nău mĭn, nuih n'hâm, trong gŭ  rêh pah kan Hồ Chí Minh tĭng n'glôch jêh mbrô 01, nău ntrŭnh mbrô 05 bah Bộ Chính trị nkre đah tĭng ƀư prao nkô̆ nău wa Hồ ntĭm Công an ƀon lan, Rơh rgŏ jă "Rdâk njêng trong gŭ dâk Công an ƀon lan han săk, rŏng nuĭh, rhŏ dŏng an ƀon lan"; lơn lah ân uănh khlay pah kan ntĭm nti nău mĭn chính trị, ntĭm nti nău way ơm, ntĭm nti nuih n'hâm uĕh lŏng gŭ rêh, nuih n'hâm dơn kan, nău gĭt mât kan neh dak, rhŏ dŏng an ƀon lan tâm lam n'gâng kan./.

Nuĭh rblang: Điểu Thân