Di rnôk tết năm mhe Giáp Thìn, nkah 94 năm nar ndâk Đảng, lơ 2/2, Kruanh Quốc hội Vương Đình Huệ hŏ khâl ndrel rhưn rhơn Tết cán bộ, tahen Biên phòng. Nau kan geh tâm nthoi sŏng đah 57 ntŭk ntoh ngơi ntoh rup bah N’gâng kan rđau tahen Biên phòng ăp n’gor, ăp đồn Biên phòng tâm nkuăl jru, ngai, gôl dak. Ntoh măt rđau kan Đảng, Ngih dak, Kruanh Quốc hội rnê prêh ăp nau tă dơi geh bah rmôt tahen Biên phòng hŏ tă geh dơi tâm rơh rlau aơl nkre ryơk ăp nau tă dơi bah tahen Biên phòng tă geh tâm rơh rlau aơ, nkre ryơk nau nsôih, nau gơih ndrel ăp nau roh hoach têh tâm nkual n’har bri ngai ngĭn, ngăn lah tâm nar bôk năm mhe, rnôk tết tât.

Tâm rơh tât, Kruanh Quốc hội Vương Đình Huệ đă, rmôt kan tahen Biên phòng lŏ ntrŭnh ăp, ntrŭnh rjăp ăp nau ntrŭnh, rđau bah Đảng, pháp luật bah Ngih dak mpeh nau đăp mpăn neh dak. Rơh aơ, Kruanh Quốc hội njoăl du đê̆ nklâm ndơ tât ăp Đồn Biên phòng gŭ kan tâm nkuăl jêr jŏt, ăp Đồn Biên phòng dôl ndơn rong kon se rêh kon đơi, geh nau rêh jêr jŏt tâm rmôt ndrel 354 kon se lah “Kon rong đồn Biên phòng”./.