VOV4.M’nông- Kêng măng nar 28/6, lôch jŭr ta tach ndeh păr London Hearhrow ntơm geh rơh tat khâl ngăn ngih dak Anh, kruanh Quốc hội Vương Đình Huệ n’hanh mpôl đại biểu gâl têh Qh dak he lĕ tât khâl Đại sứ quán n’hanh tâm mâp âk nuĭh Việt Nam gŭ ta ngih dak Anh. Bâh nău tâm nkoch bâh ăp mpôl kan, ƀon lan Việt Nam, kruanh Quốc hội Vương Đình Huệ rnê âk ƀon lan lĕ tâm rnglăp, lăp kan ndrel geh nău dơi đah dak tơm jăy.

kruanh Quốc hội Vương Đình Huệ  tâm mâp âk nuĭh Việt Nam gŭ ta ngih dak Anh

Ngăn lah ăp nău kan na nê̆ bâh ăp mpôl kan lĕ tâm kơl, mpŏng sĭt đah ƀon tơm, neh dak bâh ăp nău kan na nê̆. Rnoh mbrô rlău 3,5 rkeh đôlar kơl an ƀon lan tâm dak ta rơh nuh srê mhe nơh lah an saơ nău nĕ. Ăp nău rŏng nĕ dŭt khlăy ngăn. Kruanh Quốc hội lah na nê̆, dơi geh nău têh dăng nĕ n’hanh hun hao bâh ăp mpôl kan tâm ba năp nơh, bâh geh nău tâm rgop têh bâh Đại sứ quán Việt Nam ta ngih dak Anh. Kruanh Quốc hội lĕ ŭch, âk nuĭh Việt Nam ta ngih dak Anh an geh tâm rnglăp tay, mât kơl âk tay lơn ăp rơh nuĭh Việt Nam gay ma geh saơ, mbơh tơih ăp nău blău tâm ăp trong kan.

Nuĭh rblang: Thị Đoắt