VOV4.M’nông- Di rơh kahgĭt nar lam ntur neh an bu ur 8/3 n’hanh vơt rhơn Đại hội đại biểu bu ur lam dak tal 13, năm kan 2022-2027, ôi nar 8/3, ta ntŭk kan Quốc hội, kruanh Quốc hội Vương Đình Huệ lĕ tâm mâp mpôl chưng play Việt Nam- ăp nuĭh tahen manh êr, ăp nuĭh bu ur têh dăng bâh chưng play Việt Nam.

Ntoh ngơi ta rơh tâm mâp, kruanh Quốc hội Vương Đình Huệ lah na nê̆, an geh nău dơi pâl thể thao tâm ban đah ăp nău dơi pâl êng êng, kơt lah toán, nghệ thuật, văn học, nău ngơi...gay ma ơm geh gĭt saơ nău dơi, geh nău ntĭm nti an tâm di, mô an nklơi du hê nuĭh, mô gĭt ban nuĭh blău ta âk nău kan thể thao. Gay ma ƀư ueh ăp nkô̆ mpŏng kan ƀư tĭng ăp nkô̆ mpŏng, nău kan ma n’gâng kan thể thao lĕ ngluh mbơh n’hanh mpŏng tât, tâm nĕ geh chưng play lah nsum n’hanh chưng play bu ur lah êng, Kruanh Quốc hội Vương Đình Huệ dăn đă, an geh gĭt na nê̆, n’hao nău gĭt vât ăp nău mĭn kan bâh Đảng, ngih dak mpeh n’hao nău dơi kan bâh bu ur tâm nău kan rdâk njêng n’hanh mât ngih dak, mpeh hun hao thể dục thể thao ngih dak lah nsum n’hanh hun hao chưng play bu ur lah êng.

Nuĭh rblang: Thị Đoắt