Kruanh Quốc hội lah na nê̆, Quốc hội Việt Nam ton nta nău dơh nơih tâm nău kan pháp lý đăp mpăn, kloh rjăp, dơh nơih gay ma ăp doanh nghiệp dak bah dih, tâm nĕ geh ăp doanh nghiệp Hoa Kỳ, geh tay nău pah kan jan sa, pơk hvi nău kan n’hanh hun hao jŏ jong ta Việt Nam.

Quốc hội n’hanh chính phủ way geh mbra djăt nău tâm rgop, mât uănh n’hanh nău ŭch rŏng bâh ntŭk rêh jêng nău kan bâh doanh nghiệp mpeh nău kơl, pháp luật bâh Việt Nam. Kruanh Quốc hội Vương Đình Huệ dăn đă ăp doanh nghiệp an geh hăn ndrel đah Việt Nam bâh nău pơk hvi tay lơn nău kan tăch rgâl ntuh kơl. hăn ndrel, kơl an doanh nghiệp Việt Nam n’hao nău gĭt mĭn kan, geh gĭt ăp nău kan mhe. Tâm rgop tay na nê̆ lơn đah Việt Nam gay ma ntrôl tâm kơl ntuh kơl ta ăp trong kan Việt Nam an lor n’hanh Hoa Kỳ mbra dơi geh nău dơi.