VOV4.M'nông: Dơn nău jă bah Kruanh Quốc hội Vương Đình Huệ, Kruanh Quốc hội Singapore Tan Chuan-Jin n'hanh i ur leo Mpôl ntơh măt Quốc hội Cộng hòa Singapore  khâl ngăn Việt Nam ntơm bah nar 18-20/5/2022. Kêng măng 18/5, Lễ wơt ngăn Kruanh Quốc hội Tan Chuan-Jin n'hanh i ur hŏ ƀư rgum ta Jay Quốc hội đah nău ƀư tơm bah Kruanh Quốc hội Vương Đình Huệ n'hanh i ur. Lôch wơt, hŏ ƀư tâm nchră đah Mpôl ntơh măt gưl têh Quốc hội bar dak.

Ta rơh rgum nchră, Bar kruanh rđău kan ŭch tĭng tay nău mĭn nsum bah ASEAN mpeh đăp mpăn, bah tâm lơh tâm su, đăp mpăn rnă njrăng, dah rŏng nchuăn rdeng ta dak lêng, nkra tâm pit ma ăp trong ƀư đăp mpăn nsing ta luật pháp lam ntŭr neh, tâm nê geh UNCLOS 1982; lah uĕh Singapore ŭch kơl Việt Nam tâm rlong lăp tâm Ủy ban n'har bri dak lêng năm kan 2023-2028, dăn đă Singapore kơl tay Việt Nam dâk lăp tâm rlong Ủy ban pháp lý n'hanh kỹ thuật mpeh nhih pah kan geh nău dơi kan ntŭr dak lêng năm kan 2023-2027./.

Nuĭh rblang: Điểu Thân